Guida de Usator de Linux Mint/aMule

aMule es similar del eMule pro Windows, permitte acceder al rete P2P (Peer2Peer) eDonkey pro compartir e discargar musica, pelliculas, programmas, etc.

In Linux Mint, illo non es installate per defecto, dunque on debe utilisar le Gestor de Software de Linux Mint pro installar lo.

Un vice installate, illo es disponibile in "Menu – Internet – aMule". Su functionamento es multo simple si tu es familiar con le eMule.

Similemente a le eMule, aMule es distribuite e publicate sub le licentia GPL. Su objectivo es esser un "eMule multiplatteforma" e actualmente illo functiona in le systemas operative Linux, FreeBSD, OpenBSD, NetBSD, Solaris, MacOS e Windows, e in le architecturas x86, AMD64, UltraSPARC, PowerPC, Macintosh (G4, G5,...), Xbox e NSLU2.

* Nota: Le prime vice que tu initia aMule, il te demandara "Non ha servitores in le lista de servitores."

Vole tu que aMule discarga un nove lista? " Responde "si" e tote essera multo facile.

Pro le momento illo non es traducite a interlingua. Ma il ha multe linguas disponibile in su configuration. Ir a Preferences (preferentias) -> (language) linguage.

Configuration basic:

In Preferences (preferentias) - Connection (Connexion), tu pote configurar le limite de largessa de banda. Ben que le autor de iste articulo non lo ha configurate e aMule ha functionate perfectemente. Tote ha functionate perfectemente. Io suspecta que con le internet de fibra, iste configuration non es pertinente.

In le Button (icone) Networks (retes), tu debe inserer le servitor si tu non lo ha facite in le initio como es suggerite in le nota precedente. Tu pote facer un simple recerca con Google pro trovar un servitor. Pro exemplo, tu pote inserer iste: http://gruk.org/server.met.gz (Si tu ha respondite affirmativemente al question sur le discarga de servitores quando tu initia aMule, illo ja es configurate)

Nunc tu pote usar aMule. Nota que quando tu face un recerca, al latere del nomine del recerca, tu debe haber inserite "Type (typo) = Global" pro facer un recerca in internet, non "Type Local".