Historiettas e contos in interlingua/Lo que concerne a un mus

Lo que concerne a un mus

Traducite per Jay Bowks

Un mus mirava per le apertura de su parve casa in le pariete del ferma e videva que le agricola e su sposa aperiva un pacco.

"Que alimentos contine le pacco?"

Ma le mus esseva devastate in trovar que le contento esseva un trappa pro mures.

Rapidemente facente un retraite strategic al stabulo, ille curreva critante un alarma: "Il ha un trappa-mures in le ferma! Il ha un trappa-mures in le ferma!"

Le gallina cluccava e grattava le solo con su pedes, elevava su capite e diceva al mus "Sr. Mus, io vos pote dicer que isto es forsan un importante occasion pro vos, ma illo non es de consequentia pro me, io non pote importar me pro un tal cosa."

Le mus se tornava al porco e diceva le sin minus excitation que anteriormente: "Il ha un trappa-mures in le ferma! Il ha un trappa-mures in le ferma!"

Le porco sympathisava con ille ma diceva al mus: "Io lo senti multo Sr. Mus, ma io non pote facer necun cosa. Ma io assecura te, Sr. Mus, que io me recordara de vos in mi preces".

Alora le mus tornava se al vacca. Illa diceva "Eheu, Sr. Mus, io es certemente multo triste pro vos, ma vermente illo non me concerne tanto, a causa de que io es un vacca e il non ha un trappa-vaccas in le ferma!"

Assi que le mus retornava al casa del ferma, totalmente deprimite. Ille mesme nocte le echo de un sono viagiava per le ferma. Le sono esseva como illo quando un trappa-mures trappa su victima.

Le sposa del agricola vadeva rapidemente pro ver lo que cadeva sur le pincias del trappa-mures. In le obscuritate illa non poteva vider que il esseva un parve serpente que explorava per le ferma. Le serpente de reflexo, surprendite, mordiva le gamba del sposa del agricola.

Le agricola prendeva su sposa al hospital si tosto como possibile, e illa retornava al ferma con febre. Ora totes sape que le melior remedio contra le febre es le suppa de pollo, assi que le agricola occideva le gallina e faceva suppa pro su sposa.

Ma le maladia del sposa continuava, assi que amicos e vicinos veniva visitar la. Pro dar de mangiar a tante visitantes le agricola occideva le porco. Ma le sposa del Agricola non se recuperava, e moriva.

Si, illa moriva e tantes veniva al servicio funerari que le agricola se videva fortiate provider pro le condolentes. E assi ille occideva le vacca pro haber bastante carne pro tote illes.

Alora, le proxime vice que vos audi que qualcuno ha qualque problema, pensa que illo importara a vos, recordante vos que quandocunque un de nos es menaciate, recorda te que quando un altere es menaciate, forsan vos essera afficite, quando uno es menaciate omne nos curre le risco, per extension.